BURUARI ERAGIN, SORMENA MARTXAN JARRI ETA ASTEBURU-PASA EDERRA IRABAZTEKO PREST?
BADA, ADI! HEMEN DA
UDABERRIAREN II. BIDEO LEHIAKETA!
Iaz ez zenuten astirik izan? Ez zitzaizun ezer bururatu? Parte hartu bai, baina ez zenuten saririk eskuratu? Bada, aurten ere baduzue aukera! Animatu eta hartu parte Udaberriaren II. Bideo Lehiaketan! Erraz-erraza da:
Hiru eta bost pertsona arteko taldea osa dezakezue bideoa prestatzeko, nahiz eta bakarkako lanak ere onartuko ditugun, eta euskaltegiko ikasleak ez diren pertsonek ere har dezakete parte.
Gaia zuek aukeratuko duzue, baina euskararekin eta euskal kulturarekin lotuta badago, askoz hobeto! Eta Udaberria hitza (idatzia edo ahotsean) agertu beharko da.
Estiloa ere zuen esku: ipuina, kanta, flasmob-a, bideoklipa, txotxongiloak, mannequin challenge-a…Dena den, ezinbestekoa da euskaltegiaren logotipoaren koloreak erabiltzea uneren batean: morea, berdea eta horia.Beraz, eragin buruari eta jarri martxan sormena!
Iraupenari dagokionez, gehienez ere bi minutuko iraupena izan dezake eta, jakina, euskaraz egin beharko duzue.
Bideoak aurkezteko azken eguna: 2018ko martxoaren 15a.
Inspiraziorik behar? Ikusi iazko irabazleen bideoa!
Aurten ere, irabazleak aukeratu ahal izateko, bideoak Udaberriaren sare sozialetan partekatuko ditugu: Facebook-en, Twitter-en eta lnstagram-en, eta “Gustuko dut” eta iruzkin PUBLlKO gehien jasotzen dituen bideoa eta partekatuena izango da irabazlea.
Eta saria? Asteburuko egonaldia… Jakin nahi duzue non? Momentuz, hemen duzue pista txiki bat; erantzuna laster izango duzue gure sare sozialetan!
Bazen behin langile talde bat euskaraz egin nahi zuena lantokian.
Horretarako , mintzamena egiteko elkartu ziren ; eta, gainera, Euskararen Txokoa osatu zuten Ospitale Psikiatrikoan.
Udaberria euskaltegiko bideo- txapelketaren berri izan zutenean, parte hartzera animatu egin ziren.
Denbora eta teknika gutxi izanda ere, Santiagora, kongresu batera zihoazen bitartean, bideoa grabatzea erabaki zuten.
Dibertigarria baino dibertigarriagoa izan zen grabaketaren prozesua. Izan ere, Santiagora abiatu baino lehen, Euskararen Txokoko eszenak grabatuta bazeuden ere, . audioa txertatzea falta baitzitzaien. Beraz, furgonetan bertan eta hoteleko gelan txertatu behar izan zuten.
“Estreinaldia” Santiagoko bisita gidatu bat egiten ari zirela izan zen. Bertan zeuden kongresukide askok musika-banda entzuteko aukera izan baitzuten: Ze musika eta Psikosis pelikularena izan behar!
Pentsa ezazue zelako musika egokia Osasun Mentalari buruzko kongresu batean…
Barregarria, benetan!
Elkarrekin lanean
psikiatriko baten
ta hasi nahi genuen
euskaraz egiten
horrela euskararen
txokoa sortu zen
bideo lehiaketa
egin zen ondoren
idei ero batekin
apuntatu ginen
Izena eman eta
grabatzera hara!
baina izan ditugu
guk hamaika traba
audioa grabatu
joaten galiziara
ondo pasatu dugu
zenbat far ta_algara
agian joango gara
gu oskarretara